台灣諺語
翁 盟
諺語是語言精華的結晶,諺語充滿著長期使用即
種語言的人賜予伊的智慧佮趣味。著是安爾,用
二十三冬苦心編寫《福全台諺語典》的徐福全教
授,共(ka7)諺語號做「語言的舍利子」,「語
言的核心成分」。
台灣諺語充滿鄉土味,有个真淺白,有个誠深;
有个足文雅个,有个足粗俗个。這是足自然的現
象,毋管安怎,攏愛皆(共伊合音)保留記錄起來,
遮的(cia1-e5)寶貴的文化遺產──台灣諺語,
才按地球上消滅失傳。
(一)
1. 媠(sui2-bai2)無地比,
合(kah4)意較慘死/合意較悿死。
2. 媠,媠無十全(cng5);,無交崙(lng5)/圇(nng5)。
3. 媠花佇人欉,媠某佇人房。
4. 冬節佇月頭,烏寒佇年兜;冬節月中央,無雪佮無霜;
冬節佇月尾,烏寒正二月。
5. 寒天媠查甫,熱天媠查某。
6. 紅柿出頭,羅漢跤仔目屎流。
7. 月圍箍卜(beh4)落雨,日圍箍卜曝埔。
8. 正月寒死豬,二月寒死牛,三月寒死播田夫,四月寒死乖新婦。
9. 有寒著(tioh8)有熱,有艱苦著有快活。
10. 風颱做了無回南,十日九日澹(tam5)。
11. 四月芒種(bong5-cing2)雨,五月無焦(ta1)塗,
六月火燒埔,七月水流芋。
12. 初三四月眉意,十五六月當圓,廿三四月暗暝。
13. 天無照甲子,人無照天理。
14. 嚴官府出厚賊,嚴父母出阿里不達/嚴父母無彩力。
15. 官府定罪三五冬,人喙定罪一世人。
16. 食甜,著愛憶(it4)著鹹。
17. 第一代儉腸勒肚,第二代長衫帗(phuah8)褲,
第三代當田賣租,第四代舉枴仔拄大路。
18. 卜(beh4)好額,等後世;卜做官,去學做戲。
19. 姻緣天註定,毋是媒人跤(gau5)行。
20. 緊紡無好紗,緊嫁無好大家(ta1-ke1)。
21. 亦著愛神,亦著愛人(jin5)。
22. 問神著(toh8)有毋著(tioh8),看醫生著愛食藥。
23. 捾(kuann7)籃仔假燒金。
24. 抱著囝著唚,入廟著燒金,食著死蟳著慼(cheh4)心。
25. 未(bue7)娶某,毋通笑人某嬈(hiau5);未生囝,毋通笑人囝枵(i。
26. 甘願擔蔥賣菜,毋願佮人公家(ke1)翁婿。
27. 恿(sing7)/倖豬夯灶,恿囝不孝,恿某吵鬧,
恿查某囝落人家教。
28. 做著歹田望後冬,娶著歹某一世人。
29. 一某無人知,兩某捨世代。
30. 不孝新婦(pu7)三頓燒,有孝查某囝路裡(lin0)搖。
31. 查甫也著疼,查某也著成(chiann5)。
32. 燒糜傷重菜,媠某傷重翁婿。
33. 歹旗累鼓,歹翁累某。
34. 嫁著好翁傍(png7)翁勢,嫁著歹翁夯翁枷。
35. 睏破三領蓆,掠君心肝得著。
36. 父死路遠,母死路斷。
37. 一代姑,二/兩代表,三代煞了了。
38. 作田愛有好田底,娶新婦愛揀好娘嬭(le2)。
39. 嫁著有錢翁,驚伊變成採花蜂。
40. 嫁著緣投仔翁,三日無食也輕鬆。
41. 嫁著貧憚(tuann7)翁,儉腸勒(neh4)肚嘛是無彩工。
42. 嫁著跋筊(kiau2)翁,跋贏,一手捾肉一手捾蔥;
跋輸,當甲空空空。
43. 嫁著台商翁,驚伊一國一房。
44. 枋橋查某媠佮笑,轉(tng2)來去賣某予伊招。
45. 三代無烘爐,四代無茶鈷(koo2),都毋通娶著歹查某。
46. 聽某喙,大富貴。
47. 毋通聽某喙,才免攬胸吐大喟(khui3)。
48. 有唐山公,無唐山媽。
49. 惹熊惹虎,毋通惹著赤/刺查某。
50. 歹瓜厚籽,歹人厚言語。
51. 一兼二顧,摸蜊仔兼洗褲/蕃薯溝寄芋。
52. 重食神,孝男面,早睏晏(uann3)精神。
53. 食無三把蕹菜,著卜上(cionn7)西天。
54. 好好鱉,刣甲屎流。
(二)
1.暗時全步數,天光無半步.
2.一人煩惱一樣,無人煩惱親像.
3.做牛得拖,做人得磨.
4.輸人不輸陣,輸陣歹看面.
5.一人主張,不值兩人思量.
6.人在做,天在看.
7.人情留一線,日後好相看.
8.三年一閏,好歹照輪.
9.三代粒積,一代空開.
10.時到時擔當,無米煮蕃薯塊湯
留言列表